Shopping Cart
Your Cart is Empty
Quantity:
Subtotal
Taxes
Shipping
Total
There was an error with PayPalClick here to try again
CelebrateThank you for your business!You should be receiving an order confirmation from Paypal shortly.Exit Shopping Cart

Albanian-American Freedom House

Albanian-American Freedom House

News

News

NE RRETH TE KUQ

Posted by ALBANIAN-AMERICAN FREEDOM HOUSE on October 27, 2014 at 12:55 AM

Nga Agim Hamiti



Bilal Xhaferri


Bilal Xhaferri u lind në fshatin Ninat të Konispolit më 1935. Ishte vetëm 9 vjeç, kur komunistët i vranë babanë si nacionalist më 1944. U rrit me vuajtjet e mirënjohura të jetimit në një kohë që krijonte me shumicë jetimë e vuajtje.

Inteligjent nga natyra, dëshironte shumë të arsimohej, por biografia politike ia kishte mbyllur dyert e shkollës. Me shumë përpjekje, arriti të mbaronte shkollën e mesme dhe punoi si teknik në Ndërmarrjen e Mirëmbajtjes së Rrugëve. Ra shpejt në sy talenti i tij për të shkruar poezi e prozë, por rrjeti i çensurës së rreptë linte t'i kalonin vetëm shkrime të parëndësishëm. Qëndrimi kritik i B. Xhaferrit ndaj poezisë së Kadaresë dhe ndonjë romani të shkrimtarit emblemë të realizmit socialist, ekspozoi për keq emrin e tij në sy të Partisë-shtet. Në një mbledhje të Lidhjes së Shkrimtarëve më 1968, zv/ministri i Kulturës për kohën, Fadil Paçrami (i cili do të burgosej edhe vetë nga diktatura pas 5 vjetësh) u shpreh me shumë urrejtje ndaj Bilal Xhaferrit: «Ai flet me gjuhë armiku për librat e Kadaresë, se i kemi vrarë babanë».

Duke e kuptuar se emri i tij ishte vënë tashmë në rreth të kuq prej Sigurimit, Bilal Xhaferri u arratis atë vit dhe u vendos në SHBA. Në qytetin e Çikagos themeloi dhe drejtoi revistën e komunitetit çam me titull «Krahu i Shqiponjës», një organ që njohu mjaft sukses. Shkrimet e tij, në prozë e poezi, ndaj diktaturës shqiptare ishin shumë të ashpër e ngacmues për vetë diktatorin paranojak. Në vitin 1986 Bilal Xhaferri vdes papritur, në rrethana misterioze të pa zbardhura as sot, në një spital të Çikagos në moshë të re: vetëm 51 vjeç.


Shqipëri 1976


Vend i vogël,

Kohë e vogël,

Rracion i vogël.


Errësirë e madhe,

Frikë e madhe,

Mjerim i madh.


Dhe rrugëve të atdheut,

Si kukuvajka nën hënë,

Leh e ulërin "Gazi" 69.


Bilal Xhaferri "Krahu i shqiponjës", Nr. 3-4,1976.

Categories: None